Eph 6 | Ndebele | STEP | Bantwana , lalelani abazali benu eNkosini; ngoba lokhu kulungile.

Ephesians 6

Izeluleko kubantwana labazali

1 Bantwana ^a, lalelani abazali benu eNkosini; ngoba lokhu kulungile. 2 Hlonipha uyihlo lonyoko ^b, okungumlayo wokuqala olesithembiso, 3 ukuze kube kuhle kuwe, njalo uphile isikhathi eside emhlabeni ^c. 4 Lani bobaba ^d, lingabathukuthelisi abantwana benu, kodwa ^e libondle emlayweni lemfundisweni yeNkosi ^f.

Izeluleko kuzigqili lamakhosi

5 Zisebenzi ^g, lalelani amakhosi enu ngokwenyama ^h, ngokwesaba langokuthuthumela ⁱ, ebuqothweni benhliziyo zenu ^{j
,} ^k, njengakuKristu ^l; 6 kungeyisikho ngenkonzo yamehlo ^m njengabathokozisa abantu ⁿ, kodwa njengezisebenzi zikaKristu ^o, zisenza intando kaNkulunkulu ngenhliziyo ^p, 7 lisebenza ngenhliziyo enhle ^q kungathi kuseNkosini njalo kungeyisikho ebantwini; 8 lisazi ukuthi loba yini enhle ngulowo lalowo angayenza, enjalo uzayemukela eNkosini ^r, loba eyisigqili, loba engokhululekileyo ^s. 9 Lani makhosi ^t, yenzani izinto ezifananayo kuzo, liyekele ^{▼▼ liyekele: kumbe, linciphise.} ukuzisongela ^v; lisazi ukuthi leyenu iNkosi isemazulwini ^{w
,} ^x, njalo ukubandlulula umuntu ^y kakukho kuyo.

Izikhali zamaKristu

10 Elokucina, bazalwane bami, qinani eNkosini ^z, lebuninimandleni bamandla ayo ^aa. 11 Hlomani ^ab izikhali zonke zikaNkulunkulu ^ac, ukuze libe lamandla okumelana lobuqili bukadiyabhola ^ad; 12 ngoba kasibindani ^ae legazi lenyama, kodwa lemibuso ^af, lamandla ^ag, lababusi balumhlaba wobumnyama ^{ah
,} ^ai balesisikhathi, lemimoya yamabutho obubi ezindaweni zamazulu. 13 Ngakho hlomani izikhali zonke zikaNkulunkulu ^aj, ukuze libe lamandla okugxila osukwini olubi ^ak, lokuze kuthi lapho seliqede konke, lime ^al. 14 Ngakho manini, inkalo zenu zibotshiwe ngeqiniso ^am, lifake isivikelo sesifuba sokulunga ^an, 15 njalo ligqokise inyawo ^ao zenu ngokulunga kwevangeli lokuthula ^ap; 16 phezu kwakho konke selithethe isihlangu sokholo ^aq, elizakuba lamandla okucitsha ngaso yonke imitshoko evuthayo ^ar yomubi ^as. 17 Njalo thathani ikhowa losindiso ^at, lenkemba kaMoya ^au, eyilizwi likaNkulunkulu ^av, 18 ngawo wonke umkhuleko lonxuso likhuleka isikhathi sonke ^aw kuMoya ^ax, lakulokhu lilinde ^ay ngesineke ^az sonke lonxuso ngabangcwele bonke ^ba, 19 langami ^bb, ukuze ngiphiwe ilizwi ekuvuleni umlomo wami ^bc ngesibindi ^bd ukuze ngazise imfihlo yevangeli ^be, 20 engiyisithunywa ^bf ngalo esisemaketaneni ^{bg
,} ^{▼▼ esisemaketaneni: Gr. esiseketaneni.}, ukuze ngikhulume ngesibindi ^bi kulo, njengoba kungifanele ukuthi ngikhulume.

Isicino

21 Kodwa ukuze lani lazi izinto eziqondana lami ^bj, engikwenzayo, uzalitshela konke uTikiko ^bk umzalwane othandekayo lesikhonzi esithembekileyo eNkosini ^bl; 22 engimthume kini ngakhona lokhu, ukuze lazi izinto eziqondana lathi, lokuthi aduduze inhliziyo zenu ^bm.

23 Ukuthula ^bnkakube kubazalwane, lothando kanye lokholo oluvela kuNkulunkulu uBaba leNkosini uJesu Kristu. 24 Umusa kawube kubo bonke abathanda iNkosi yethu uJesu Kristu ngokungonakaliyo ^bo. Ameni.